Vísindavøka á ferð á Tekniska Skúla í Klaksvík mikukvøldið tann 26. september kl. 19.30

Vísindavøkan fer aftur á ferð í ár. Hetta verður í tíðarskeiðnum 17. til 26. september. Talan verður um fimm tiltøk kring landið, sum eru skipað eftir sama leisti.

Á hvørjum tiltaki verða tríggjar styttri framløgur við granskarum frá ymsu stovnunum kring landið. Hvør framløga verður bert hildin eina ferð, so møguleiki er at fara til fimm ymisk tiltøk.

Framløgurnar á Tekniska Skúla í Klaksvík eru

Sanne Storm, Landssjúkrahúsið: Røddin í miðdeplinum og átaksøki í mun til perinatalan ótta og tunglyndi

Tróndur Kragesteen, Fiskaaling: Skynsamasta lúsamark fyri alibrúk, sum hava samband hvørt við annað

Hans Harryson, Fróðskaparsetrið: Nær er ein læraraútbúgving nóg góð? – Tær fimm vágskálirnar

Tað verður eisini ein stutt kunning um gransking í Føroyum, um hvat gransking er, hvør granskar, hvat verður granskað og hví. Eisini verður okkurt tilfar at síggja og tosa um í kaffisteðginum.

Fylg og dáma, fyri at vita tað nýggjasta:

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts