FÓLKATINGIд19

Stórtíðindi burturtagd í KVF, Sosialinum og in.fo

Í morgun frættist, at Christian Andreasen, forseti í FSF, er einmælt valdur sum formaður í Legal Committee, lógarnevndini hjá UEFA.

Henda stórhending og heiður fyri føroyskan ítrótt og fyri okkara luttøku á altjóða pallinum yvirhøvur, skuldi sjálvsagt vakt miklan ans í KvF og í Miðlahúsinum. Men so eiðasørt. Ikki eitt kis. Tagt í hel.

Mikrofonhaldarí
Ístaðin borðreiddi KvF á middegi við km-longum subsistensleysum innslagi um bræv frá Piu Kjærsgaard, sum hevur sent ungdómum grundlógina. Sama, sum eisini varð gjørt í 2015. So, what’s up?
Har var so løgtingsformaðurin høvuðsvitni, hóast hann slettis ikki hevur nakað sum helst við málið at gera.
Er ikki valevni og sigst annars at vera andstøðingur til fólkatingsvalið, hóast flestu síggja hansara atburð sum reina sjálvprofilering.
Men har fingu hann og Tjóðveldið, umvegis vanliga mikrofonhaldaríið, óskerda atgongd til almenna miðilin.

Og í kvøld var 5 min. langt innslag í D&V um hólmgongu millum Sambandið og Tjóðveldi, aftaná, at sv-verturin hevði penslað út, hvussu nær Tjóðveldi var við at missa/vinna fólkatingssessin.

Euforia
Har var heldur einki um nýggja formannin í Legal Committee hjá UEFA. Og í ítróttartíðindunum aftaná D&V var eisini deyðatøgn.
Sakligur ella selektivur tíðindaflutningur tveir dagar undan valinum?
Ella er endamálið at røkka somu politisku eufori’ini í Sortudíki, sum vit hoyrdu um, tá uppteljingin var endað aftan fólkatingsvalið í 2015?

Tað tykist ikki at vera trupult at gita um tað.

Bjarni Djurholm

Grillin hjá Símun - Maverick
Símun á Høvdanum
Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330. Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret.