Stakkavík sleipaður til lands av Tjaldrinum í nátt

Stakkavík, sum hevði góðan fiskiskap í nátt, mátti bróta túrin av, tí teir fingu maskinskaða í nátt.

Teir høvdu drigið 20 stampar og høvdu heili 8.400 pund á teimum, men fingu sum sagt maskinskaða og Tjaldri sleipaði teir til Klaksvíkar og vóru teir á Klaksvík umleið klokkan 4 í nátt.

News.fo og Norðoya Portalurin vóru og tóku hesar myndirnar av Stakkavík klokkan 05:54 í morgun.

Hvussu álvarsligt maskinbrekið var vita vit ikki, men vónandi er tað ikki álvarsligt. Stakkavík hevur havt eitt sera gott ár og kunnu uttan nakað hóvastak fara í jólaferiu.

Sum frættist, so er seinasti avreiðingardagur áðrenn jól nú fríggjadagin tann 20. desember, men kenni eg teir umborð á Stakkavík, so fara teir til útróðrar, so skjótt maskinbrekið er ornað.

Gleðilig jól til tykkum umborð á Stakkavík og takk fyri tykkara ískoyti til okkara almenna samfelag Føroyar “Fólksins ogn”.

SáH

Fylg og dáma, fyri at vita tað nýggjasta:

About Author

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts