Sofía Toftegaard frá Ægir forbetraði seg 12 sekund í 200 metur bringu

FM á Langgeil 2019: Sofía Toftegaard frá Ægir, svam ein sera góðan 200 metur bringu ígjár, hon forbetraði tíðina meira enn 12. sekund, eitt sera stórt persónligt met. Hon kom inn við tíðini 3:10.38, gamla tíðin hjá henni var 3:22.88 og tíðin var so góð at hon svam seg í finaluna.

Seinnapartin ígjár var finalan, tá svam hon 200 metur bringu við tíðini 3:10.98, bert 0.10 sekund frá Elin Christiansen frá Suðuroyar Svimjifelag, men Elin er eisini tvey ár eldri enn Sofía og hevði hon svomi líka skjótt sum í innleiðandi, so hevði hon vunnið Elin. Rebekka Trygvadóttir frá Ægir vann kappingina.

Sofia er fødd tann 26.04.2006 og sostatt hevði hon føðingardag ígjár og hon gav sær sjálvari ein stóra føðingardagsgávu.Stórt tillukku, bæði við tíðini og føðingardagsdegnum.

SáH

Fylg og dáma, fyri at vita tað nýggjasta:

About Author

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts