SJÓSVIMJING OG SAUNAGOS

Seinastu vikurnar hevur ymiskt verið á skránni í samband við Virkið vár, har eitt av endamálunum hevur verið at varpa ljós á tiltøk í býnum, sum eru heilsufremjandi kropsliga og sálarliga. Hendan vikan er onki undantak, tí sunnudagin verður ein frálíkur møguleiki at stimbra heilsuna við sjósvimjing og saunagos.

Tað eru Annika Maisonsdóttir Mellemgaard og Súsanna Thomsen, sum saman við Klaksvíkar Svimjihøll skipa fyri tiltakinum. Báðar hava tikið útbúgving sum gosmeistarar, og hava í eina tíð bjóðað hetta tilboðið á fleiri ymiskum støðum í Føroyum.

Byrjað verður við sjósvimjing á Borðoyavík sunnudagin 6. juni kl. 10:30. Síðani gongur leiðin niðan í Svimjihøllini, har møguleiki verður at njóta sanna vælveru við saunagosi frá kl.11:00 til kl.13:00. Í hesum tíðarskeiði er bert opið fyri tilmeldaðum, sum kunnu melda seg til trý gos eins og tilmeldingin eisini gevur atgongd til vælveruøkið. Saunagos er bæði inni í kvinnu- og mannfólkasaunaðinum. Tó er avmarkað nøgd, tí pláss er einans fyri 15 kvinnum og 15 monnum.

Tilmeldingin fer fram umvegis leinkjuna her: Sjósvimjing og saunagos

Klaksvíkar Kommuna

Fylg og dáma, fyri at vita tað nýggjasta:

About Author

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts