Rynkurnar fara avstað hósdagin og byrjað verður í Klaksvík

Hósdagin 7. juli byrjar stóra ferðin, sum vit hava glett okkum og vant miðvíst fram til! 👏👏🇫🇴➡️🇫🇷

Festligi dagurin byrjar kl. 10.30 í Helnabrekku í Klaksvík. Eftir tiltakið í Klaksvík verða fyrstu 105 km súkklaðir, tá ið leiðin gongur til Havnar umvegis Toftir og gjøgnum Sundalagið. Túrurin hósdagin endar kl. 18.35, tá ið móttøka verður á Perlutorginum við Reinsaríið

Skráin fyri túrin hósdagin er henda:
Kl. 10.30: Móttøka í Helnabrekku í Klaksvík.
Kl. 11.20: Klaksvíkar sjúkrahús
Kl. 12.15: Býráðshúsið í Norðragøtu
Kl. 13.15: Undirhúsið á Toftum
Kl. 14.00: Betri í Saltangará
Kl. 14.35: Bakkafrost á Glyvrum
Kl. 16.05: Margáir í Streymnesi
Kl. 18.35: Perlutorgið við Reinsaríið í Havn

Hetta er ein stórur dagur hjá okkum, og vit gleða okkum at vitja ymsu bygdirnar og øll, sum skipa fyri móttøku.

Seinni um kvøldið fara vit – 48 súkklarar og 12 hjálparfólk- við Norrønu til Danmarkar. Leygardagin 9. juli leggur Norrøna at í Hirtshals, og tá byrjar súkkluferðin av álvara. Næstu vikuna súkkla vit gjøgnum Danmark, Týskland, Holland, Belgia og Frakland. Tá ið ferðin endar í París í Fraklandi leygardagin 16. juli, hava súkklararnir fingið 1377 km í beinini.

Á ferðini til París fer Team Rynkeby regluliga at leggja myndir út á sosialu miðlarnar, og fólk kunnu fylgja ferðini har. 💛

Team Rynkeby – Føroyar

Fylg og dáma, fyri at vita tað nýggjasta: