Rókur Trygvason vann tepurt 100 metur blandað

Stóri kappingarneytin hjá Róki í 100 metur blandað var Óli Mortensen, sum er fýra ár eldri enn Rókur og sum tvey tey seinastu árini hevur svomið við donskum felagið og sum bert er komin upp til Føroyar fyri at svimja FM fyri Havnar Svimjifelag, skuldi koppast  í hesari greinini, tað hevði Rókur Trygvason sett sær fyri og tað gjørdi hann so sanniliga eisini.

Roland í Toftum hevði trekt seg frá kappingini, fyri at spara seg til 100 metur bringu, sum skuldi svimjast beint aftaná hesa hørðu kappingina.

Hon gjørdist eisini sera tøtt, tá ið teir høvdu svomið 50 metur var bert 0.13 sekund ímillum teir, har Rókur kom inn fyrst og tað tendraði hann og hann setti spurtin inn og tað var klókt gjørt, tí hann kom fyrst á mál og gjørdist Føroyameistari í 100 metur blandað 2019.

Tíðin var 58.66 og tað var eisini persónligt met, gamla tíðin var 59.18,  nummar tvey gjørdist Óli Mortensen við tíðini 58.78 og nummar trý gjørdist Bartal E. Eidesgaard úr Havnar Svimjifelag, sum hevði tíðina 59.77.

Stórt tillukku Rókur, super flott svomi.

SáH

Fylg og dáma, fyri at vita tað nýggjasta:

About Author

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts