Ítrottur Tíðindi

Nýggj nevnd hjá KÍ hevur skipa seg

KÍ hevði í kvøld aðalfund har nýggj nevnd var vald.

Á aðalfundinum var roknskapurin fyri 2019 samtyktur, har KÍ kundi vísa á eitt avlop á 1,227 mió. Tað er sera umráðandi at vit kunnu tryggja ein skynsaman rakstur tá tað gongur gott, og hava eitt avlop at standa ímótir við tá tað gongur minni gott.

KÍ kunnaði eisini á aðalfundinum at KÍ nú verður partur av stroymingini av heimadystinum í Televarpinum. Hettar meta vit fer at geva okkara fjepparum sum av ein ella aðrari orsøk ikki kunnu koma til dyst betri møguleika at fylgja við KÍ.

Aðalfundurin samtykti at hækka nevndina úr 6 í 7 nevndarlimir har ein nýggur nevndarlimur skuldi veljast við ábyrgd av besta mansliðnum.

Nevndin sum bleiv vald á aðalfundinum var hendan:
Formaður: Tummas Lervig
Næstformaður: Rúni Heinesen
Nevndarlimur fyri fíggjarmál: Hilmar Danielsen
Nevndarlimur fyri besta mansliðið: Kaj Dam
Nevndarlimur við ábyrgd av samskifti felagsins: Rói Clementsen
Nevndarlimur við ábyrgd av sponsorum felagsins: Jákup Eydnugarð
Margit Joensen sum hevur verið nevndarlimur við ábyrgd fyri ungdómsfótbólti valdi ikki at stilla upp aftur. Hesin postur bleyv tí ikki mannaður á aðalfundinum. Er tað onkur sum ynskir at geva eina hjálpandi hond á hesum økinum ella hoyra meira um tað arbeiðið, kann viðkomandi seta seg í samband við Tummas Lervig, formann á tlf. 58 88 29.

KÍ ynskir at takka Margit Joensen fyri sítt megnar arbeiðið í nevndini hjá KÍ.

Vit gleða okkum til eitt spennandi kappingarár 2020.

Koyr á KÍ!

Nevndin.

FV: Hilmar Danielsen, Kaj Dam, Rúni Heinesen, Tummas Lervig, Rói Clementsen og Jákup Eydnugarð – mynd KÍ

Lýsing Maveric Barr

Grillin hjá Símun - Maverick
Símun á Høvdanum
Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330. Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret.