Núpur komin aftur av sera buldraslignum túri við 180.000 pundum

Hetta gjørdist ein sera buldrasligur túrur hjá Núpi. Seinasta vikuskiftið tá ið ódnin leikaði uppá tað harðasta, var Núpur á fiskileið, sum eitt av fáu skipinum, um ikki tað einasta.

Núpur kom aftur klokkan eitt í nátt og hava teir roynt við línu norðan fyri Føroyar.

Landa verður til Kósina í morgun. Tað mesta av veiðuni var longa, toskur og hýsa, 30.000 pund longa og restin toskur og hýsa.

Ein stórur partur bleiv eisini boðin út til Fiskamarknaðin Føroyar, 107.480 pund, 52.400 pund hýsa, 45.720 pund toskur, 9.120 pund brosma og restin annað fiskaslag, sjá søluna herundir.

Tað blivu settar 10 setur, men nógvar vóru hálvar, tá ið illveðrið leikaði uppá tað harðasta.

Besti dagurin hjá Núpi hendan túrin var 27.000 pund.

Við vóru 14. mans og skipari var John Kári.

Jákup B byrjaði túr tann 24. februar.

Vit ynskja Núpi vælkomin heimaftur av hesum minniliga og buldrasliga túri.

SáH

Fylg og dáma, fyri at vita tað nýggjasta:

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts