Lokal tíðindi Tíðindi

Nú verður tryggari at koma til skúlaøkið

Seinnapartin í dag varð tendrað fyri ferðsluljósunum við nýggju ferðsluloysina við Skúlatrøð. Harvið er ferðsluloysnin við Gerðagøtu nú endaliga tikin í nýtslu, og kunnu bæði bilar og fólk til gongu nú ferðast tryggari.

Tað var Óli M. Lassen, formaður í teknisku nevnd, ið trýstið á knøttin, og børnini í Dr. Margrethu barnagarði vóru tey fyrstu, ið gingu á nýggja gonguteiginum. Til staðar seinnapartin vóru umboð fyri kommununa, TTS, ið hevur staðið fyri ljósarbeiðinum, og umboð fyri politiið.

Jógvan Skorheim, borgarstjóri, fegnaist um góða úrslitið og ikki minst um, at vit nú hava fingið eina góða og trygga farleið til mongu skúla- og barnagarðsbørnini.

– Tað hevur serliga stóran týdning at økið nú er greitt uppmerkt og verður ljósregulerað, sigur Jógvan Skorheim.

Eftir at asfaltsarbeiðið varð gjørt síðst í novembur, hevur verið bíðað eftir seinastu smálutunum, so sum skeltum og ljósviðurskiftum, ið vóru endaliga avgreidd í dag. Gerðagøta er ein av mest brúktu vegunum í býnum, bæði til og úr Klaksvíkini, eins og vegurin er sera nógv brúktur av børnum, sum hvønn dag ganga í barnagarði, skúla og til frítíðarítriv; tí er nú avgreidda ferðsluloysnin, við øktari ferðslutrygd og góðum av og ásetingar møguleikum, eitt týdningarmikið stig at betra um farleiðina og samstundis økja um trygdina.

Fleiri myndir, klikk her, “Nú verður tryggari at koma til skúlaøkið”

 

Grillin hjá Símun - Maverick
Símun á Høvdanum
Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330. Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret.