MVG-FREISTIN ÚTSETT TIL 16. NOVEMBER

Seinasta freist at lata inn og avrokna mvg fyri 1. ársfjórðing 2020 er útsett frá 11. mai 2020 til 16. november 2020. Hetta hevur løgtingið samtykt sum part av hjálparpakkanum til vinnuna í sambandi við koronasmittuna. Í lógini er útsetta freistin ásett at vera 15. november, men við tað at hetta er sunnudagur, er rætta freistin 16. november.

Tey, sum ynskja, kunnu tó framhaldandi avgreiða mvg til vanliga tíð, bæði lata mvg-uppgerð inn, rinda mvg og fáa mvg afturborið.

Tað er bert freistin fyri 1. ársfjórðing, sum er útsett. Uppgerð og avrokning av mvg fyri 2. og 3. ársfjórðing skal gerast til vanligu freistirnar, sum í ár eru 24. august fyri 2. ársfjórðing og 10. november fyri 3. ársfjórðing.

NÝTIÐ VINNUGLUGGAN TIL AT AVGREIÐA MVG

Nú, ið alt samfelagið er ávirkað av koronasmittuni, heita vit á alla vinnuna um at nýta Vinnugluggan til at avgreiða viðurskifti síni við TAKS. 70% av øllum mvg-skrásettum nýta longu tænastuna til at avgreiða mvg, men best hevði verið, um hetta talið varð enn hægri.

Les um Vinnugluggan og hvussu tú fært atgongd á www.taks.fo/vinnugluggin.

Taks

Please follow and like us:

Skriv et svar

Din e-mailadresse vil ikke blive publiceret.