LANDSSTÝRISMAÐURIN BLEIV KUNNAÐUR UM NÝGGJA MENTANARHÚSIÐ

Seinnapartin í gjar var fundur millum Karl Johansen, borgarstjóra, og Jenis av Rana, landsstýrismann í uttanríkis- og mentamálum. Evnið á fundinum var serliga kunning um arbeiðið við mentanarhúsinum, sum eftir eftir ætlan skal standa klárt við árslok 2022.

Á fundinum fekk landsstýrismaðurin eina framløgu frá Dáva Winther, mentanarleiðara, um tilgongdina og hugskotið til Mentanarhúsinum, umframt at hann fekk holla kunning um verkætlanina og sostatt innlit í fíggjarviðurskiftini og tíðarætlanina. Somuleiðis fekk Jenis av Rana møguleika at síggja mentanarhúsið í ‘virtual reality’ brillum, soleiðis at hann sjálvur fekk stýrt tí, sum hann vildi síggja. Harvið fekk hann møguleika at síggja allar møguleikarnar og hentleikar, sum komandi mentanarhús í Klaksvík kann bjóða.

Jenis var sera hugtikin av, at arbeiðið var komið somikið væl áleiðis. Eitt evni á fundinum var stuðul, har partarnir fingu umrøtt møguleikan, at fáa løgtingið at játta stuðul til verkætlanina, sum ikki einans verður ein mentanarháborg for Klaksvík, men fyri allar Føroyar.

Klaksvíkar Kommuna

Fylg og dáma, fyri at vita tað nýggjasta:

About Author

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts