Koronapass til steypafinaluna leygardagin 4. desember

Øll, ið ynskja atgongd til Tórsvøll í samband við steypafinaluna leygardagin 4. desember, skulu vísa galdandi koronapass við dyrnar.

Fyri at vera í gildi skal eitt koronapass uppfylla eina av seks treytunum niðanfyri.

ES góðkent talgilt koronapass – til dømis tað danska ella føroyska – grundað á:
(1) lidna koppseting ikki eldri enn eitt ár,
(2) koronakanning ikki eldri enn 72 tímar ella
(3) PCR test, sum váttar fyrrverandi smittu seinasta árið.

Harafturat ber eisini til at brúka hesi skjøl saman við passi ella koyrikorti:
(4) gula koppsetingarkortið, sum váttar koppseting seinasta árið,
(5) váttan um føroyska PCR kanning ikki eldri enn 72 tímar ella
(6) váttan frá landslæknanum um fyrrverandi smittu seinasta árið.

Quick test verður ikki góðtikin.

Fótbóltssamband Føroya FSF