Ídnaðarøkið Undir Hamri verður víðkað við 6.500 kvm

Sáttmáli varð í farnu viku undirskrivaður millum J & K Petersen og Klaksvíkar kommunu, um at víðka verandi verkætlan, soleiðis at yvir 6 túsind fermetrar verða lagdir afturat nyggja ídnaðarøkinum við Borðoyavík.

Í verandi verkætlan er talan er um eitt øki á 15.000 m2, ið verður útgrivið sunnanfyri bátahylin á Borðoyarvík. Nýggji sáttmálin við J & K Petersen, sum eisini stendur fyri vernadi verkætlan, merkir, at J & K Petersen leingir verandi verkætlan við 100 metrum, svarandi til 6.585 m2. Sostatt verður samlaða ídnaðarøkið 21.585 fermetrar til víddar.

Endmálið er at nýta suðurendan av ídnaðarøkinum til vinnuøkir, umframt at Grótbrotið og annað virksemi hjá kommununi skal halda til har. Harafturat tryggjar hendan íløgan, at kommunan og borgarar koma at hava góða atgongd til grót og annað tilfar framtíðar verkætlanir.

Eftir ætlan skal fyrsti parturin av verkætlanini handast kommununi um ársskift. Kostnaðurin fyri meirarbeiðið, sum J & K Petersen nú fer í gongd við, er 6,5 milliónir.

Kelda: Klaksvík.fo

SáH

Please follow and like us:

Skriv et svar

Din e-mailadresse vil ikke blive publiceret.