Ítrottur Tíðindi

Havnar Svimjifelag fær grikskan høvuðsvenjara

Jólaaftan skrivaði Havnar Svimjifelag sáttmála við 36 ára gamla grikkan Panagiotis Christou, ið vanliga verður nevndur Panos. Sáttmálin er galdandi í hálvtfjórða ár, fram til endan av sesongini 2021/22. Panos byrjar í starvinum sum høvuðsvenjari mánadagin 21. januar.

Nýggi høvuðsvenjarin kemur úr einum starvi sum venjari í stóra svenska svimjifelagnum SK Poseidon í Lund. Frammanundan hevur hann verið høvuðsvenjari í Bodø í Noregi í tvey ár, og áðrenn hann flutti til Bodø, var hann venjari í Grikkalandi. Panos hevur sjálvur verið íðin kappsvimjari, til hann fyri 12 árum síðani gavst at svimja.

Nýggi venjarin hevur hægri útbúgving innan ítrótt og rørslu úr Grikkalandi og Onglandi: B.Sc í Physical Education and Exercise Science frá University of Athens við svimjivenjing sum sergrein og M.Sc í Exercise Physiology frá Manchester Metropolitan University.

Grillin hjá Símun - Maverick
Símun á Høvdanum
Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330. Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret.