Heilsuverkið

Gerandisdagurin á almannaøkinum gerst meira vanligur aftur

Øll í Føroyum hava verið rakt av koronasmittuni. Men nøkur eru harðari rakt enn onnur – eisini hóast tey ikki hava verið smittað.

Tað vísti Elsebeth Mercedes Gunnleygsdóttur, landsstýriskvinna í almannamálum, á undir tíðindafundinum fyrrapartin, nú meira ferð verður sett á almannaøkið.

Øll hesi fólkini hava sanniliga offrað nógv. Tað eru fleiri borgarar, sum hava brúk fyri hjálp til at fáa gerandisdagin at ganga, sum ikki hava fingið hesa hjálpina seinastu tíðina. Tað eru fleiri fólk, sum fáa bútilboð frá Almannaverkinum og kommununum, sum hesa seinastu tíðina hava livað uttan stórvegis samband við familjuna og síni nærmastu,

greiddi Elsebeth Mercedis Gunnleygsdóttur, landsstýriskvinnan í almannamálum frá.

Í Føroyum hava vit megnað at avmarka smittuna so mikið væl, at farið verður nú undir at lata Føroyar upp aftur undir tryggum og skipaðum viðurskiftum. Higartil hevur eydnast at halda smittuna uttanfyri tilboðini hjá Almannaverkinum og eldraøkinum.

Eg eri sera fegin um, at vit nú fara undir at bjóða teimum fólkum, sum seinastu tíðina hava mist tilboð og tænastur, ein meira vanligan gerandisdag aftur. Tað munar væl, at fólk, sum fáa bútilboð frá Almannaverkinum og fólk á eldrasambýlum og røktarheimum kring landið – aftur fáa møguleikan at vera saman við sínum kæru,

heldur Elsebeth Mercedes Gunnleygsdóttur, landsstýriskvinna í almannamálum.

Almannamálaráðið

Grillin hjá Símun - Maverick
Símun á Høvdanum
Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330. Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret.