Føroysk veðurtænasta

Landsstýrið hevur sett sær fyri at menna eina nøktandi og útbygda veðurtænastu í Føroyum.

Í hesum sambandi verða 3,2 mió. kr. settar av á fíggjarlógini fyri 2021.
Játtanin til veðurtænastu verður harvið hækka úr umleið 5 mió. kr. til góðar 8 mió. kr.

Við hesi fígging byrjar arbeiðið at menna eina dagførda og útbygda føroyska veðurtænastu við betri og neyvari veðurforsagnum fyri allar Føroyar.

Ætlanin fevnir um betri miðling, eins og luttøku í kanningum og gransking av veðri, veðurlagi og – broytingum til gangs fyri sjóvinnu, vinnu á landi, ferðslu, tilbúgving og føroyska samfelagið í síni heild.

Fiskimálaráðið

Please follow and like us: