FINA til Føroyar at góðkenna langhylin

Tann 10. oktober fer borgarstjórin Annika Olsen saman við umsitingini at hava fund við Joaquin Pujol, formann í FINA Facilities Committee (nevnd í Altjóða svimjisambandinum FINA), á Ráðhúsinum í Havn. Eisini luttaka umboð fyri Svimjisamband Føroya.

Endamálið við fundinum er at staðfesta, hvussu langhylurin verður gjørdur á ein slíkan hátt, at hann verður góðkendur til altjóða kappingar, ið ynski er at fáa til landið.

Í fjør varð avgjørt at útseta projekteringina eitt ár, orsakað ov nógvum virksemi og ov nógvum íløgum, men nú eru samráðingarnar tiknar upp aftur.

Umsitingin er í løtuni í holt við endaligar samráðingar um ráðgevarasáttmála við vinnandi ráðgevaratoymið. Endaliga uppskotið til sáttmála kemur fyri býráðið í november.

Býráðið skal longu nú hóskvøldið taka støðu til at játta 5 mio.kr. krónur til projektering.

Lesið meiri um verkætlanina, klikk her: “Langhylur Tórshavn”

Kelda. www.torshavn.fo

SáH

Fylg og dáma, fyri at vita tað nýggjasta:

About Author

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts