Elsebeth Mercedis Gunnleygsdóttur røðu fyri Elini Planck

Í gjár var móttøka fyri Elini R. Planck í sambandi við at hon hevur verið leiðari í Kvinnuhúsinum í 25 ár. Elsebeth Mercedis Gunnleygsdóttur, landsstýriskvinna helt røðu fyri Elini.

Hon segði m.a.: “Elin Reinert Planck, sum vit hátíðarhalda í dag, hevur framum onnur myndað hetta økið og virksemið í Kvinnuhúsinum í 25 ár. Elin, tú ert álitisvekjandi, rólig og behagilig. Tú hevur rættiliga fingið Kvinnuhúsið og tørvin á húsinum og Kreppumiðstøðini inn í tilvitskuna hjá okkum øllum. Tú ert ímyndin av stuðli og av onkrum tryggum. Tín rødd hevur ivaleyst ljóðað í høvdinum á mangari kvinnu, sum hevur verið sligin, illa viðfarin, og hevur havt tørv á hjálp:

” Eg eiti Elin Reinert Planck…” … Mynduga og róliga røddin tykist siga: Tú kanst koma inn til okkara, og vit gera tað vit kunnu at hjálpa tær.

Hon vil mær tað væl, munnu mangar kvinnur hava hugsað.”

Røðan kann lesast her.

Please follow and like us:

Skriv et svar

Din e-mailadresse vil ikke blive publiceret.