COVID-19 KANNINGARNAR FLYTA OMAN Á FAKTORSVEGIN

Frá mánadegnum 23. november eru koronu kanningarnar fluttar á Faktorsvegin. Covid-19 kanningarstøðin hjá Klaksvíkar Sjúkrahúsi flytir oman á kaiina. Kanningarnar verða nú gjørdar í sunnara enda á bygninginum, har Kryvjing var. Á myndunum niðanfyri sæst, hvussu koyrt verður til kanningarøkið og eisini, hvussu koyrt verður, tá komið er oman til kanningarøkið.

Mint verður á, at øll sum skulu kannast, mugu bíleggja sær tíð frammanundan, á https://corona.fo/kanningar. Tá tú hevur bílagt tær tíð, fært tú eina kvittan sendandi á telefonina. Umráðandi er at hava hesa kvittan við.
Møtið til ásettu tíðina, so bíðirøðin ikki blívur óneyðuga long
Bíðirøðin verður eftir Faktorsvegi, so bilar, ið ikki skulu í bíðirøðina til Covid-19 kanning, mugu finna aðra farleið teir tímar, kanningar verða gjørdar.

Potað verður soleiðis: Mánadag, mikudag og fríggjadag frá kl. 9 til 11.

Um tit ivast, hvussu tit koma til kanningarøkið, so eru tit altíð vælkomin at ringja til móttøkuna á Klaksvíkar Sjúkrahúsi á tel. 45 45 45, tey vegleiða fegin.

Kelda: Klaksvík.fo

SáH

Fylg og dáma, fyri at vita tað nýggjasta:

About Author

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts