Fiskivinna Tíðindi

Broyting í býtinum millum bólk 5A og bólk 5B.

Vørn skal boða frá, at landsstýrismaðurin í fiskivinnumálum hevur tikið avgerð um at broyta býtið av fiskidøgum millum bólk 5A og bólk 5B.

Broytingin inniber, at bólkur 5A fær tillutað 55% av fiskidøgunum (4.884 fiskidagar), sum bólki 5 er tillutað undir einum sambært løgtingslóg um fyrisiting av sjófeingi, samstundis sum bólkur 5B fær tillutað 45% av fiskidøgunum (3.996 fiskidagar) umframt teir 2.150 fiskidag­ar­nar, ið vórðu lagdir afturat við broytingini av lógini um fyrisiting av sjófeingi í august í ár (tilsamans 6.146 fiskidagar).

Broytingin merkir í stuttum, at 444 dagar verða fluttir úr bólki 5A til bólk 5B, og fráboðanin frá Vørn, um at fiskiskapurin í bólki 5B skal halda uppat tann 13. november 2019, kl. 24, verður hervið ógildað.

Vørn skal vísa á, at ikki er neyðugt at søkja um nýtt fiskiloyvi.

Kelda: Vørn

SáH

Grillin hjá Símun - Maverick
Símun á Høvdanum
Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330. Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret.