Brandur spyr um ALS til fiskimenn

Fyrispurningur um Als-útgjald til fiskimenn, tá skip teirra verður lagt vegna umvælingar, settur landsstýrismanninum í vinnumálum, Helga Abrahamsen.

Ofta kemur fyri, at fiskiskip mugu leggjast vegna umvælingar, við teirri avleiðing at fiskimenn ikki fáa hýru ella útgjald úr Trygdargrunninum í mánaðir. Tá so er, skal ALS lofta hesum fiskimonnum, men ein má undrast á tær herdu treytirnar, hesin samfelagsbólkur hevur at fáa pening úr skipanini, í mun til aðrar samfelagsbólkar.

Løgtingslóg um arbeiðsloysistrygging og arbeiðsávísing (ALS-lógin) nágreinar útrokningargrundarlag, bíðidagar og útgjald fyri flest øll her á landi. Landsstýrið hevur tó valt at lýsa kunngerð fyri fiskimenn í áður nevndu støðu, ið kann tykjast sum ein munandi herðing í mun til aðrar samfelagsbólkar.

Sambært § 2 í kunngerð um útgjald til fiskimenn, tá ið skip teirra verða løgd vegna umvælingar, skal viðkomandi skip, har fiskimaðurin starvast, hava veiðiloyvi. Við nýggju lógini um sjófeingi, sum fekk gildi 1. januar 2018, blivu øll veiðiloyvi burtur.

Útrokningargrundarlagið fyri útgjaldinum er sambært lógini inntøkan seinastu 12 mánaðirnar.

§ 16 a í lógini sigur, at ásettir verða 2 bíðidagar. Um inntøkan hjá viðkomandi hevur verið høg, kunnu bíðidagarnir verða upp til 10 í tali.

§ 5 í kunngerðini sigur tó, at fiskimenn kunnu onki fáa, fyrr enn 30 dagar eru farnir.

Fiskimenn í áður nevndu støðu kunnu heldur ikki vera meiri enn 60 dagar í skipanini, hóast stór havarí mangan eru drúgvari enn so at umvæla. Hetta er munandi verri treytir, enn aðrir samfelagsbólkar hava.

Eitt annað sum kann tykist løgið við kunngerðini er, at fiskimenn helst eru teir einastu í skipanini sum verða revsaðir í útgjaldi frá ALS-skipanini vegna høga inntøku.

§ 5, stk 2, í kunngerðini ásetir nevnliga, at fyri hvørjar 1000 kr., sum útrokningargrundarlagið hjá fiskimanni er hægri enn 210.000 kr., lækkar útgjaldið 0,5%. Tað sum undrar er, at hesar treytir einans síggja út til at verða galdandi fyri hendan eina samfelagsbólk, og ikki eru galdandi fyri aðrar samfelagsbólkar.

Tað sum eyðkennir okkara samfelag er, at skyldur og ágóðar eru rímiliga líka fyri øll.

Fiskimenn gjalda fegnir sín part inn til ALS-skipanina, ein part sum ofta liggur oman fyri landsmiðal, vegna góðar hýrur.

Men tá tað kemur til útgjald úr skipanini sær út til, at hesir somu fiskimenn verða undirlagdir harðari treytir enn onnur í samfelagnum.

Tí hesar spurningar.
1. Vísandi til § 2 í kunngerð um útgjald til fiskimenn, tá ið skip teirra verða løgd vegna umvælingar, er tað so framvegis ein treyt fyri at fáa ALS-útgjald, at fiskifarið, ið ein fiskimaður er við, skal hava veiðiloyvi?
2. Hvør er orsøkin til, at fiskimenn í hesi støðu ikki kunnu fáa útgjald, fyrr enn 30 dagar eru farnir, meðan øll onnur fáa, tá 10 dagar eru farnir?
3. Hvør er orsøkin til, at fiskimenn í mesta lagi fáa útgjald í 60 dagar?
4. Vísandi til § 5, stk. 2 í kunngerðini, hvør er so orsøkin til, at hesar ásetingar bara eru galdandi fyri okkara fiskimenn, og ikki fjøldina sum heild?

Brandur Sandoy
Løgtingsmaður

Please follow and like us:

5 thoughts on “Brandur spyr um ALS til fiskimenn

  1. Today, I went to the beachfront with my kids. I found a sea shell and gave it to my 4 year old daughter and said “You can hear the ocean if you put this to your ear.” She put
    the shell to her ear and screamed. There was a hermit crab inside
    and it pinched her ear. She never wants to go back! LoL I know this is entirely off topic
    but I had to tell someone!

  2. It’s a shame you don’t have a donate button! I’d definitely donate to this superb blog!
    I suppose for now i’ll settle for book-marking and adding your RSS feed to my Google account.
    I look forward to brand new updates and will talk about this site with my Facebook group.

    Chat soon!

  3. I like the valuable information you provide in your articles.
    I’ll bookmark your blog and check again here regularly. I’m quite certain I’ll learn lots of new stuff right here!
    Good luck for the next!

Skriv et svar

Din e-mailadresse vil ikke blive publiceret.