A-12 Kunoyarnes fingið nýggja landstøð

Starvsfólkini á aliøki A-12 Kunoyarnes hava seinastu 18 mánaðirnar hildið til á gamla kryvjivirkinum hjá Bakkafrost í Klaksvík. Talan var bert um eina fyribils loysn, til nýggj landstøð var klár. Og tann 22. juli fluttu starvsfólkini á A-12 so inn í snotiliga bygningin við Grótrætt, har gott pláss er til alla útgerð, og stutt er at sigla til aliringarnar undir Kunoyarnesi.

Tað er Articon, sum hevur gjørt bryggju og økið rundan um bygningin, og Kanjon hevur innrættað bygningin. RV Tøkni hevur gjørt el-arbeiðið, Signar Kallsberg hevur gjørt VVS-arbeiðið, og André Matras hevur málað.

Vit ynskja starvsfólkunum á A-12 Kunoyarnesi hjartaliga til lukku við nýggju landstøðini og blíðan byr framyvir.

Bakkafrost

Fylg og dáma, fyri at vita tað nýggjasta:

About Author

Símun á Høvdanum

Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330.
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

See author's posts