23 nýggir tilburðir umborð á russiskum trolara

So skjótt er at Korona smittan kann koma aftur til landi

23 nýggir koronatilburðir eru staðfestir í dag. Tað upplýsir Landslæknin, nú seinastu kanningarúrslitini eru tøk.

Teir 23 tilburðirnir byggja á úrslit frá 30 kanningum umborð á russiska trolaranum AK-0749 Karelia, sum seinastu dagarnar hevur ligið við bryggju í Klaksvík. Kanningarnar umborð á trolaranum vórðu gjørdar, eftir at tað í gjár varð staðfest, at ein sjómaður umborð var smittaður.

Tá ið russisk skip leggja at við bryggju í Føroyum, so eru greiðar ásetingar um, at manningin ikki hevur loyvið út um eitt avmarkað økið við skipið.

Russiski trolarin AK-0749 Karelia hevur í dag avgjørt at loysa frá bryggju, og liggur í løtuni og bunkrar á Fuglafirði, áðrenn hann fer til fiskiskap.

Tilsamans átta føroyingar hava verið í sambandi við russiska trolaran, og teir eru allir settir í sóttarhald.

Almennu myndugleikarnir eru í løtuni í samband við russiskar myndugleikar um støðuna.

Heilsumálaráðið tann 25. juli kl. 17.12

Please follow and like us:

Skriv et svar

Din e-mailadresse vil ikke blive publiceret.