Fiskivinna Tíðindi

Vinnuligar fiskiveiðiroyndir eftir svartkjafti í 2018

Kunngerðin um veiðu eftir svartkjafti verður nú broytt, soleiðis at 8.382 tons verða tøk til vinnuligar fiskiveiðiroyndir og verkætlanir.

Nøgdin skal veiðast í føroyskum – ella NEAFC øki.

Tey, ið ætla at fremja royndir innan økið, skula senda Fiskimálaráðnum umsókn.

Umsóknarfreistin er kl. 12.00 mánadagin 22. oktober 2018. Umsóknarblað fæst á heimasíðuni hjá Fiskimálaráðnum, www.fisk.fo, innan stutta tíð.

Eins og áður (fyri makrel og norðhavssild) verður serstakur dentur lagdur á menningar- og nýskapanarvirði umframt virðisøking av veiðuni.

Umsóknir skula lýsa endamál og tíðar- og kostnaðarætlan fyri royndirnar, umframt upplýsingar um fiskifar, reiðskap, útgerð og leiðir.

Ætlandi verður broytingin í kunngerðini um at skipa fiskiskapin eftir svartkjafti 2018 lýst innan nakrar dagar, soleiðis at fiskiskapurin eisini fevnir um vinnuligar fiskiveiðiroyndir í 2018.

Kelda: www.fisk.fo

SáH

Símun á Høvdanum
Um tit vita eina góða søgu, so send mær ein meyl á simun@simun.dk og ynskja tit, at eg skal taka myndir av onkrum tiltakið, so sig mær frá, havi eitt fototól Canon D5 Mark III við góðari linsu.

Skriv et svar

Din e-mailadresse vil ikke blive publiceret. Krævede felter er markeret med *