Politikkur Tíðindi

Uppskot um misálitisváttan

Her er uppskotið til misálit á landsstýriskvinnuna Rigmor Dam:

Vísandi til § 29, stk. 2 í løgtingslóg um Stýrisskipan Føroya og til § 47 í Tingskipanini, samtykkirLøgtingið misálit á Rigmor Dam, landsstýrismann.

Viðmerkingar
Glasir, ið er dýrasta byggiverkætlan í landinum, har útreiðslurnar tátta í 700 mió. kr, lýkur ikki trygdarkrøv. Næmingar og starvsfólk kenna seg ótrygg, sjálvt um skúlin varð tikin í nýtslu í august mánaði.

Hvørki tíðar- ella kostnaðarætlanir hava hildið. Hóast boðað varð frá álvarsligum trupulleikum við byggingini, hevur landsstýrismaðurin í mentamálum ikki latið við seg koma.

Undir seinastu eykajáttanini til Glasir kom fram, at 14 mió. kr. eru brúktar í heimildarloysi, umframt at tær 7 mió. kr., ið Løgtingið játtaði til flagtekju, eru nýttar til onnur endamál.

Landsgrannskoðarin hevur, í notati frá januar í 2017 til Løgtingsgrannskoðararnar um játtanar- og útreiðslugongdina í samband við verkætlanina at byggja Glasir, staðfest, at:
“Játtanin til Skúladepilin er latin undir § 7 “Mentamál”. Mentamálaráðið hevur latið Landsverkiræðisrættin til játtanina, men ábyrgdin fyri, at játtanin fer at halda, og at borgarin fær tað fyripeningin, sum rindað er fyri, liggur hjá Mentamálaráðnum.”

Síðani málið um óheimilaðu meirnýtsluna kom fram alment, hevur landsstýrismaðurin ferð aftan á ferð sagt ábyrgdina frá sær, hóast hon gekk á odda, tá skúlin varð tikin í nýtslu í summar.

Løgmaður, ið hevur eftirlit við landsstýrismonnunum sambært § 33, stk. 2 í Stýriskipanarlógini, vil kortini ikki staðfesta ábyrgdina av meirnýtsluni. Hann letur bara standa til. Pengar eru brúktir í heimildarloysi. Hetta er ólógligt. Løgmaður eigur at røkja sína eftirlitsskyldu, men tað ger hann ikki. Løgmaður hevur í miðlunum víst til Landsverk, ið hevur givið arkitektunum skyldina. Í dag er
stjórin í Landsverki loystur úr starvi, fyri at løgmaður skal sleppa undan at taka politiska ábyrgd. Hetta er at rætta bakara fyri smið, sum løgmaður so væl segði í fjølmiðlunum.

Andstøðan ynskir at fáa byggingina avgreidda skjótast gjørligt, men hevur ikki álit á, at pengarnir, sum verða játtaðir, fara til endamálið, so leingi sum einki landsstýrisfólk hevur ábyrgd av byggingini.

Vit mugu sleppa undan stillstøðuni. Av tí at løgmaður ikki røkir sína eftirlitsskyldu, kennir andstøðan seg noydda at leggja misálit fram, so Løgtingið kann staðfesta ábyrgdina og játta neyðugu pengarnar.

Á Løgtingi, 19. desember 2018

Jørgen Niclasen, Bárður á Steig Nielsen, Bill Justinussen og Jógvan Skorheim

Her filmsklipp frá Høgna Hoydal, hvat hann heldur um, tá ið pengar vera brúktir í heimildarloysið:

Misálit

Meðan eg siti og lurti eftir viðgerðini í løgtinginum av uppskotinum um misálit, komi eg at hugsa um hetta kjakið, sum einaferð var millum meg og Høgna Hoydal, um misálit.

Slået op af Helgi Abrahamsen, løgtingsmaður i Onsdag den 19. december 2018

Símun á Høvdanum
Um tit vita eina góða søgu, so send mær ein meyl á simun@simun.dk og ynskja tit, at eg skal taka myndir av onkrum tiltakið, so sig mær frá, havi eitt fototól Canon D5 Mark III við góðari linsu.

Skriv et svar

Din e-mailadresse vil ikke blive publiceret. Krævede felter er markeret med *