Bráðtíðindi Heilsuverkið Politikkur Tíðindi

So er avgerðin tikin, Joen Magnus og Uni stilla upp fyri Fólkaflokkin

Eg ætli at stilla upp til Løgtingsvalið, men ikki til Fólkatingsvalið.

Eg vóni at verða valdur á Løgting í august.

Uni bróður stillar upp til Fólkatingsvalið fyri Fólkaflokkin.
Hann hevur stóran áhuga í politikki, bæði donskum og føroyskum, og vil fegin tala søk føroyinga á Fólkatingi.

Hóast Uni gjørdist blindur, sum 21 ára gamal, í ferðsluvanlukku, hevur hann víst ein heilt serligan vilja til, at hetta ikki skal verða ein forðing í dagligdegnum.
Hann kundi jú valt, at siti heima, og tikið synd í sær sjálvum.
Í staðin hevur hann gjørt slík megnaravrik, sum nærum einsamallur, at klæða sær húsini í Gøtu, har meginparturin av arbeiðnum varð gjørt úr stiga.
Hann hevur verið uppi á takinum og gjørt viðlíkahaldsarbeiði.
Tá vit ein dag fletta 60 seyðir, so tummar hann allar 60.
Hann hevur runnið maraton.
Hann hevur súkklað úr Klaksvík til París við Rynkeby-liðnum.
Hetta eru bert nøkur dømi, um ein mann, sum avrikar nógv meir, enn væntast kann av honum.
Hann arbeiðir sum sjálvstøðugur vøddamýkjari, og er stjóri á Hotel Runavík. Eisini er hann býráðslimur í Eysturkommunu.
Uni er róligur, siðiligur og passaliga tvørur.
Hesin viljin, ella hetta treiskni, eigur at koma væl við á Danatingi.

Eg ivist ikki, eg ætli at velja Una, og vóni at fleiri gera tað sama.

Joen Magnus Rasmussen

Valevni Fólkaflokkurin til Løgtingsvali

Uni Rasmussen

Valevni Fólkaflokkurin til Fólkatingsvali

 

 

Símun á Høvdanum
Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret. Krævede felter er markeret med *