Ítrottur Tíðindi

Nýggjur ítróttaráðgevi – Ítróttarsamband Føroya

1. oktobur byrjar Andras Nolsøe í starvi, sum ítróttaráðgevi hjá ÍSF.

Andras avloysur Jarvin Feilberg Hansen, sum hevur verið ítróttaráðgevi seinastu árini og nú fer í annað starv.

Umframt at verða útbúgvin fysiterapeutur, er Andras eisini útbúgvin bankaatstøðingur. Seinast 6 árini hevur Andras arbeitt sum fysioterapeutur. Harumframt hevur Andras drúgvar royndir, sum ungdómsvenjari í borðtennis og fótbólti, umframt at hann hevur luttikið í nevndararbeiði í fleiri umførum, bæði í feløgum og sersambandi.

Andras er í dag formaður í Borðtennissambandi Føroya (BTSF). Í samband við, at Andras byrjar sum ítróttaráðgevi fer hann frá sum formaður í BTSF. Avtala er tó gjørd við Andras um, at hann ikki sleppur BTSF uppá fjall og tryggjar, at skifti í BTSF verður gjørt so skilagott sum møguligt. Hetta merkir, at Andras er leysur av øllum formellum tilknýti til BTSF í seinasta lagi við ársenda 2019.

Vit ynskja Andras alt tað besta í starvinum, sum ítróttaráðgevi.

ÍSF

Símun á Høvdanum
Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330. Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret. Krævede felter er markeret med *