Lokal tíðindi Vinna

Norðoya Sparikassi 17,4 milliónir í avlopi

Úrslitið eftir skatt í 2017 var eitt avlop á 17,4 mió. kr., móti 14,3 mió. kr. í 2016. Eginognin rentaði sostatt við 8,0 %. Solvensurin var við árslok 19,2 %.

Virksemið økist

Vøksturin í útlánum var 6,8 % ella 115 mió. kr. Útlánini øktust úr 1.694 til 1.809 mió. kr., og ábyrgdirnar øktust úr 65 mió. kr. upp í 66 mió. kr.

Vøksturin í innlánum var 5,1 % ella 107 mió. kr. – úr 2.119 mió. kr. upp í 2.227 mió. kr. Innlánsavlopið var 418 mió. kr. við ársenda 2017.

Líkt er til, at ábyrgdarar hava álit á sparikassanum og eru væl nøgdir við rentuna, sum er 5 %. Sparikassin hevur seinastu árini merkt stóran áhuga fyri at seta pening í ábyrgdarfæ. Samlaða ábyrgdarfæið var við árslok 2017 kr. 19.806.000, móti kr. 18.091.000 í 2016. Hetta er ein øking upp á kr. 1.715.000, ella 9,5 %.

Gjaldføri og solvensur

Gjaldførið er gott. Við ársenda 2017 var yvirdekningurin sammett við lógarkravið 168,3 %.

Eisini solvensurin er góður. Við ársenda 2017 var solvensurin 19,2 %, meðan individuelli solvenstørvurin var 10,3 %. Harvið var solvensyvirdekningurin 8,9 % -stig.

Umboðsráðsfundur verður hósdagin 26. apríl 2018. Eftir fundin verður fullfíggjað ársfrásøgn fyri 2017 tøk á heimasíðu sparikassans www.ns.fo.

NORÐOYA SPARIKASSI

Ársfrásøgn 2017 (5-ára yvirlit).pdf

Símun á Høvdanum
Um tit vita eina góða søgu, so send mær ein meyl á simun@simun.dk og ynskja tit, at eg skal taka myndir av onkrum tiltakið, so sig mær frá, havi eitt fototól Canon D5 Mark III við góðari linsu.

Skriv et svar

Din e-mailadresse vil ikke blive publiceret. Krævede felter er markeret med *