Merkisdagar Størv Tíðindi

Niels Juel Arge nýggjur fíggjarleiðari í Tórshavnar Kommunu

Niels Juel Arge varð herfyri settur í starv sum fíggjarleiðari í Tórshavnar kommunu. Hann er útbúgvin cand.merc.aud og hevur eina journalistiska eftirútbúgving.

Niels Juel er royndur leiðari innan fíggjarliga økið. Hann hevur verið fíggjarstjóri á P/F Poul Michelsen, verið virkandi stjóri í eitt tíðarskeið hjá tryggingarfelagnum Trygd, verið íløguráðgevi og deildarleiðari fyri Corporate Finance í BankNordik og fíggjarleiðari á Strandferðsluni.

Eitt tíðarskeið var hann virkandi stjóri á Strandferðsluni og hann hevur eisini verið fulltrúi í Samferðslumálaráðnum og í Fíggjarmálaráðnum.

Niels Juel Arge er her avmyndaður saman við Anniku Olsen, borgarstjóra, og Eydnu Justinussen, fyrisitingarstjóra.

Kelda: TK

Símun á Høvdanum
Hjálp News.fo og Norðoya Portalin at gerast enn betur. Send okkum tíðindir, lýsingar og hava tit hug at stuðla fíggjarliga, eru tit vælkomin at senda eina upphædd á konto 6460 382.440.50 ella 9865 9927330. Símun er myndamaður og ein sannur miðlamaður. Hann tekur myndir og skrivar greinar av/um ymisk tiltøk, og tilber eisini at bíleggja eina myndatøku ella greinaskriving, send ein teldupost á simun@news.fo um tú veist eina góða søgu, ella vilt hava tikið myndir av onkrum ávísum.

Skriv et svar

Din e-mailadresse vil ikke blive publiceret. Krævede felter er markeret med *